Westfjarðarpían tjáir sig

Bolla bolla bolla...

2008-10-26T20:54:00.004Z

Jæja loksins er ég búin að smella bumbu mynd af mér hérna inn á bloggið. Komin 28 vikur og hef það bara mjög gott. Reyndar orðin aðeins svifaseinni en ég var en annað er í góðu lagi :o)

Leyfi þessari líka að fljóta með... Frekar fyndið að vera loksins stoltur af því að hafa stórann maga ;o)

Léleg

2008-10-18T14:16:00.001Z

Ég hef verið hræðilega léleg að blogga hérna... og líklega eru allir hættir að nenna að kíkja hérna inn þar sem ég skrifa aldrei neitt. Ætla að reyna að bæta mig og skella inn mynd hér á næstunni....

Sumarið er tíminn

2008-07-06T22:04:00.003Z

... þegar kvenfólk springur út og þær ilma af dulúð og sól, ójá.

Já á þessum bæ er þess sko sannarleg notið að vera í sumarfríi! Ég er búin að vera í sælunni hér fyrir vestan í heilar tvær vikur og hef sko sannarlega notið þess í botn. Það er nefnilega alveg æðislegt að geta verið svona í fríi og notið lífsins aðeins, þetta er allavega eitthvað sem ég gæti alveg vanist :)

Nú er stefnan tekin á frekari ferðalög. Úlfar kom á föstudaginn og reiknum við með því að leggja af stað í norðurátt þar sem við erum að fara í brúðkaup á Kópaskeri á næstu helgi. Eftir brúðkaupið ætlum við síðan að halda í austurátt og klára hringinn :) Þannig að það verður bara heilmikið ferðalag á okkur skötuhjúunm næstu tvær vikurnar.

Gúrkutíð...

2008-06-08T19:41:00.003Z

Jæja ég er búin að vera voða löt eitthvað við að skella inn línum hér í vetur og reikna víst ekki með því að einhver jar breytingar muni verða þar á nú á næstunni.

Nú styttist óðum í hið langþráða sumarfrí. Ég er búin að plana hluta þess og finnst allt í einu eins og það sé ekki eins langt og ég hélt í fyrstu.

*Útskrift hjá pabba 14. júní.
*Ættarmót hjá Úlfari helgina 20.-22. júní
*22. júní-6/7 júlí ætla ég að vera í sælunni fyrir vestan
*7.-19. júlí ætlum við Úlfar að vera á ferðalegai um landið með stoppi í brúðkaupi á Kópaskeri 12. júlí.
*25.-27. júlí er ættarmót á Drangsnesi

Þannig að þið sjáið að það verður nóg að gera hjá mér í sumar :o) Hlakka samt mest til þess að geta legið aðeins í leti næstu vikuna og tekið aðeins í gegn hér á heimillinni þar sem allt að verða orðið frekar sjabbí ;)

Long time no writing...

2008-05-05T19:33:00.003Z

jább... ég er búin að vera voðalega löt eitthvað við að skrifa hérna í vetur.

Enda líka alltaf voða lítið að frétta af mér eitthvað, annað en vinna, sofa o.s.frv. En á seinustu helgi skellti ég mér reyndar með í vorferð starfsmanna Hjallaskóla. Stefnan var tekin á Snæfellsnesið og fórum við í bráð skemmtilega snjósleðaferð upp á jökul, göngum meðfram ströndinni á Arnarstapa, borðuðum grillmat og sungum úr okkur lungun. Þetta var sem sagt hin allra skemmtilegasta ferð :)

En nú styttist í skólalok og ekki nema fimm vikur eftir af skólanum. Ég get ekki sagt annað en að ég hlakki mjög mikið til að fá mitt fyrsta sumarfrí síðan ég var 11 eða 12 ára. Já það verður sko ljúft að fá tveggja mánaða sumarfrí eftir annasamann og erfiðan vetur!

Aldrei fór ég suður...

2008-03-24T22:09:00.002Z

... en samt er ég komin aftur hingað suður eftir alveg hreinnt frábæra páskahelgi. Rokkhátíðið en var mögnuð sem aldrei fyrr... maður verður sko aldrei fyrir neinum vonbrigðum með hana! Það var líka voða gott að koma heim, enda alltaf gott að koma til Ísafjarðar....

Gúanóstelpan

Þarna fékk ég það fyrst,
þarna fékk ég þig kysst,
hingað kem ég þegar heimurinn frýs,
aldrei faðmað aðra eins dís.

En ég veit þú liggur með þeim,
en nú er ég á leiðinni heim,
til að fara í brjálað geim,
með þér og þessum rugluðu tveim.

Viðlag:
Ég sakna Ísafjarðar og þín,
gúanóstelpan mín,
langar að hitta þig,
kíkja smá inn í þig,
gúanóstelpan mín.

Þú kenndir mér svo margt,
að lífið er fallega svart,
smá snert af rugli er allt sem þú þarft,
ástin er aðeins hjartaskart.

Viðlag X 2

Taktu mig höndum tveim,
þó þú hafir verið með þeim,
þó þú hafir verið með þeim,
taktu mig höndum tveim.

Lífið hér og nú

2008-03-13T12:28:00.003Z

Jæja, ég er alltaf að reyna að lofa sjálfri mér því að vera duglegri við að setja inn færslur hér á bloggið mitt. Finnst voða gaman að lesa blogg hjá gömlum vinum sem búa einhvers staðar langt í burtu... en kannski er ein afleiðing þess að maður hringir sjaldnar því það er svo auðvelt að fylgjast með öllu sem er að gerast með því að lesa bara bloggið ;)

... En ég hef ýmislegt verið að bralla síðan ég kom heim frá Danmörku. Ég skellti mér m.a. á Skagaströnd yfir eina helgi sem var að sjálfsögðu voða gaman. Fór með rútu sem náði að festa sig á leiðinni þannig að þetta var bara allt saman heilmikið ævintýri. Guðbjörg og krakkarnir hugsuðu að sjálfsögðu voða vel um mig þannig að þetta var bara hin besta ferð :)

Þriðjudaginn 19. febrúar fæddist þeim Malla og Brynhildi lítil dóttir. Við kíktum að sjálfsögðu upp á Árvelli til að líta hana augum, en það var vel þess virði þar sem hún var að sjálfsögðu gullfalleg :)

Í febrúar náði Einar Sverrir, vinur Úlfars, þeim merkar áfanga að útskrifast úr viðskiptafræði við Háskóla Íslands. Kíktum því í útskriftarteiti til hans og skelltum okkur aðeins út á lífið... já maður er orðinn svo gamall að það er farið að teljast til frétta að farið sé út á djammið... það er af sem áður var.

Á síðustu helgi vorum við síðan að passa Núma Hrafn, sem gekk bara mjög vel. Hann var samt mun hrifnari af Úlfari en mér. Sofnaði meirað segja í fanginu á honum inn í stofu, sem mér fannst bara sætt...

Í næstu viku er ferðinni síðan að sjálfsögðu heitið vestur á Ísafjörð, rock city of Iceland, þar sem við ætlum að eyða páskunum :)

Danmerkurferð

2008-02-18T18:13:00.010Z

Jæja, það er nú orðið nokkuð liðið síðan við skötuhjúin komum heim eftir vel heppnaða ferð í Danmörku, en vegna tæknilegra vandræða hefur ekki verið hægt að koma inn myndum frá ferðinni fyrr og því ákvað ég að geyma það að setja inn færslu.

Ferðin gekk vel í alla staði og áttum við mjög góða og notalega stund úti. Byrjuðum á því að vakna eldsnemma föstudaginn 1. febrúar og bruna út á flugvöll. Við tók þriggja tíma flug til Köben og síðan um tveggja tíma ferð með lest til Odense. Þar dekraði Magga síðan við okkur í þrjá daga. Við kíktum í heimsókn til allra krakkanna hennar, fórum á danskan pöbb, fórum á Jenen´s Böfhus, borðuðum góðan mat og höfðum það skemmtilegt saman :o) Sunnudagskvöldið 3. febrúar tókum við síðan lestina aftur til Köben þar sem við gistum í tvær nætur. Í Köben röltum við á Strikinu, fengum okkur pylsu á ráðhústorginu, fórum á tvö söfn og fengum okkur aftur að borða á Jensen´s Böfhus. Flugum síðan heim á hádegi á þriðjudag og enduðum í Sprengidags saltkjöti og baunasúpu hjá ömmu og afa Úlfars í Gullsmáranum.

Takk Magga og Erlingur fyrir hlýlegar móttökur og skemmtilegar stundir :o)

Magga og Úlfar í "Ölpunum"... já það getur líka verið kalt í útlöndum ;o)

Odense pilsner....

...og danskt buff, Mmmmmm!

Vinirnir tveir :o)

Danskt stráþak.

Hmmm, ætli mæðgurnar hafi verið orðnar þreyttar á gestunum...?

Heilsað upp á H.C. Andersen á göngugötu Odense

Kveðjustund á Gírafanum, "Fire Odense öl i flaske :o)"

Danaveldi

2008-01-30T22:27:00.001Z

Jæja, nú er ég bara á leið í fimm daga ferð til Danmerkur. Fer út á föstudag og kem aftur heim á þriðjudag. Við ætlum að eyða mestum tímanum í heimabæ H.C. Andersen, Odense, hjá Möggu frænku hans Úlfars en gista síðan síðustu nóttina í kóngins Köbenhavn. Ég ætla mér að njóta þessara daga til fulls, sem ég mun án efa gera :o)

Sól

2008-01-28T21:40:00.000Z

Jæja þá er sólin mætt til Ísafjarðar :o)

Allt búið og hið venjulega tekið við aftur...

2008-01-08T22:08:00.000Z

Jæja þá eru jólin liðin með öllum sínum herlegheitum og alvara lífsins tekin við aftur. Ég hafði það mjög gott heima í fríinu þrátt fyrir að það tæki allt aðra stefnu en ég hafði reiknað með. Fríinu mínu lauk nefninlega með því að ég kvaddi hann afa minn í hinsta sinn, en hann lést nú á milli jóla og nýárs. Það er alltaf jafn sorglegt þegar maður missir einhvern nákominn þrátt fyrir að vist þeirra á æðri stöðum geti verið mjög kærrkominn. Ég veit að ég á eftir að sakna hans afa míns og það verður tómlegt að koma til Bolungarvíkur nú þegar hann hefur kvatt þessa veröld.

Hörður Snorrason

14. janúar 1934 - 29.desember 2007

Tíminn flýgur áfram og hann feykir mér á eftir sér....

2007-11-13T23:19:00.001Z

... og ekki fæ ég miklu ráðið um það hvert hann fer.

Þetta eru nú orð að sönnu hjá félaga vorum Megasi, tíminn flýgur svo sannarlega áfram! Á erfitt með að trúa því að ég sé búin að vera að kenna í næstum þrjá heila mánuði... og að jólin séu farin að nálgast. Það hefur bara verið svo mikið að gera! Fyrstu vikurnar var maður alveg búinn á því eftir daginn en eftir að ég fór að venjast þessu þá hefur bara verið mikið að gera bæði hérna heima og í undirbúningi fyrir kennsluna.

Samt er ekki annað hægt að segja en ég sakni þess að hitta allar sulturnar mínar... við þurfum endilega að halda sambandinu...

Stór knús frá mér til ykkar allra :o* (Hlakka til að sjá þig Guðbjörg)

Að fljúga

2007-10-22T14:18:00.000Z

Það er þó nokkuð langt síðan ég ætlaði að skella þessari færslu inn en nú loksins ætla ég að láta verða að því.

Í byrjun mánaðarins fór ég með flugi til Akureyrar. Það er ekki eina skiptið þetta haustið sem ég hef átt leið á Reykjarvíkurflugvöll þar sem ég hef bæði verið að sækja og skutla vinum og vandamönnum sem fylgir því auðvitað þegar maður er sjálfur kominn í borgina, enda ekkert sjálfsagðara. Á þessum ferðum mínum hefur það aðallega verið eitt nokkuð stórt vandamál sem ég hef þurft að glíma við, það eru bílastæðin!!! Það er nánast ómögulegt að verða sér út um bílastæði við flugvöllinn!!! Maður þarf að sveima þarna um eins og fluga í þeirri von að einhver yfirgefi stæði. Fimm mínútna stæðin eru ekki einu sinni laus, þannig að það er ekki hægt að stoppa í augnablik til að hjálpa fólki inn með töskuna... Og ég stórlega efast um það að allir þessir bílar séu í eigi farþega... set stórt spurningarmerki við það...

... annars vildi ég líka óska þess að ég gæti flogið! Ekki vegna þess að ég hafi svo einlægan áhuga á því að fljúga heldur vegna þeirrar staðreyndar hversu "ógeðlega" dýrt það er að fljúga á milli staða hérna á Íslandi!!! Fyrir fyrrnefnt flug mitt til Akureyrar varð ég að gjöra svo vel að greiða hvorki meira né minna en 17.000 kr, sem mér finnst hreinnt og beint RÁN!!! Það versta er að maður hefur ekkert val.... annað hvort borgaru bara það sem flugfélagið setur upp eða flýgur bara ekki neitt... Ég er algjörlega á því að á þessum vígstöðum sé mikill skortur á samkeppni!!!

...jæja ég er hætt að kvarta og vera grömpí í bili og kveð að sinni :o)

Nýjustu fréttir

2007-09-18T21:26:00.000Z

Jæja þá er víst komið þó nokkuð síðan ég gaf mér tíma til að skella inn nokkrum línum hér á bloggið. Auðvitað hefur verið alveg nóg að gera. Dagarnir hafa að sjálfsögðu gengið misjafnlega eins og gefur að skilja, en svona á heildina litið er ég bara nokkuð ánægð enn sem komið er.... en kannski er þetta bara einn af þessum bjartsýnisdögum hjá mér. Ég er oftast alveg búin á því þegar ég kem heim! Ég held að börn séu þær mestu "andlegu orkusugur"sem fyrirfinnast!!!! Nú er klukkan farin að nálgast tíu að kvöldi og ég heyri nafn mitt enþá óma í höfðinu á mér.... Sigga, Sigga, Sigga.... En þessi kríli geta líka verið alveg yndisleg, og áhuginn er svo sannarlega til staðar hjá þeim :o)

Annars erum við Úlfar bara búin að koma okkur ágætlega fyrir hérna í Hraunbænum. Flestir hlutir eru komnir á sinn stað og er húsfreyjan m.a. búin að falda gardínur og setja upp í eldhúsinu ásamt því að sulta aðalbláberjasultu í nokkrar krukkur. Það er bara ekki annað hægt að segja en að hér sé bara orðið nokkuð heimilislegt :o)

Á síðustu helgi skelltum við okkur austur fyrir fjall þar sem við kíktum í sumarbústað til ömmu og afa Úlfars og tókum Jón Ásgeir með okkur. Ferðin endaði síðan með því að við gistum í bústaðum hjá Eyþóri (föðurbróður Úlfars), borðuðum grillmat, spiluðum á spil og höfðum það skemmtilegt saman. Það gerði reyndar smá snjókomu en flestir létu það ekkert á sig fá... ;o) Á sunnudagskvöldið eldaði Úlfar dýrindis mexíkanskt lagsania og buðum við mömmu hans, Magnúsi og Jóni Ásgeiri í mat til okkar.

Annað er það ekki í bili... stefni á að hafa næstu færslu aðeins skemmtilegri... og ætla ekki að láta líð eins langan tíma í hana og þessa!

Alvara lífsins tekin við

2007-08-24T09:16:00.000Z

Já það eru sko orð að sönnu! Í dag er annar dagurinn í kennslu hér í Hjallaskóla og má því með sanni segja að allt sé komið á fullt hjá mér. Á miðvikudaginn hitti ég alla nemendur mína í fyrsta skiptið ásamt foreldrum þeirra og í gær við síðan fyrsti eiginlegi skóladagurinn. Flest gekk vel og hef ég trú á að þessi vetur eigi eftir að verða mjög lærdómsríkur. Mér þykir líka gaman að taka við svona ungum nemendum þar sem þau eru svo full að áhuga og jákvæð í garð skólans :o)
Annars er lítið annað af mér að frétta. Mamma og pabbi fóru aftur vestur í gær eftir vikudvöl hér í borginni. Það var ósköp gott að hafa þau hjá sér í þennan tíma. Í dag á ég síðan von á Bryngerði vinkonu í heimsókn en hún ætlar að vera hér í borginni yfir helgina.
Segi þetta bara gott í bili.

Netleysi

2007-08-13T14:06:00.000Z

Ég hef ekki komist á netið í þó nokkuð marga daga þar sem ekkert net hefur verið heima... skelli inn færslu fljótlega þegar það verður komið í lag...

Það nýjasta...

2007-07-12T22:09:00.000Z

Jæja það er voða lítið að frétta af mér þessa dagana... Er bara búin að vera að sleikja sólina hérna á Ísafirði alltaf þegar ég hef haft tækifæri til. Síðan hef ég að sjálfsögðu verið að vinna á pósthúsinu ásamt því að slá kirkjugarðinn í Hnífsdal með Heiðu systir...

Er búin að fara í eina helgarferð með Heiðu systir. Fórum í Flókalund og gistum þar eina nótt. Keyrðum síðan útt á Rauðasand og áttum þar dýrlegan dag í meiriháttar veðri... Seinni nóttina gistum við svo á Tálknafirði. Fórum þar í sund og síðan í Selárdal þar sem við skoðuðum safnið hans Samúels.
Einnig sótti ég Dýrfirðinga heim á Dýrarfjarðardögum á þarsíðustu helgi, gisti meirað segja í tjaldi á Þingeyri með Úlfari :o)
Á síðustu helgi skellti ég mér síðan á markaðsdaga í Bolungarvík með mömmu og pabba og keypti mér þar tvær sultukrukkur sem ég á enn eftir að bragða á... Um kvöldið fór ég síðan aftur í víkina með henni Bryngerði á djammið :o)
Nú eru einungis rúmar þrjár vikur eftir að dvöl minni hér í faðmi fjallanna bláu og ætla ég mér að njóta þess tíma út í ystu æsar... enda af nógu að taka hér....
Yfir og út!

Smá update

2007-06-16T17:08:00.000Z

Jæja ég lofaði víst frekari fréttum af útskriftinni svo ég ákvað að henda hér inn nokkrum línum. Dagurinn fyrir norðan var hreint frábær, fannst eiginlega bara mjög gott að sleppa við allt veislustandið sem hinir voru að standa í og geta þess í stað bara notið dagsins. Um kvöldið fórum við fjölskyldan saman út að borða og fengum öll ágætis máltíð :o) Eftir matinn var kíkt í partý til Guðbjargar og síðan Sonju. Sonja hafði reyndar slegið tvær flugur í einu höggi og gift sig um daginn líka :o) Eftir partý kíktum við bara í bæinn og skemmtum okkur fram á rauða nótt! Á sunnudag skelltum við Úlfar okkur í sund áður en hann lagði af stað austur og við fjölskyldan vestur. Vorum síðan að renna í hlað hér á Seljalandsveginum um ellefu leitið.
Líf mitt hefur ekki breyst mikið á þessari viku sem ég er búinn að bera "nafnbótina" kennari... skelli hér inn nokkrum myndum frá deginum

Ég og Úlfar

Ég með prófskírteinið

Ég og Guðbjörg

Útskriftarárgangur Háskólans á Akureyri vorið 2007

Útskrift

2007-06-11T10:17:00.000Z

Jæja þá er ég víst orðin fullgildur kennari :o) Segji nánar frá atburðum helgarinnar síðar...

Kosningar

2007-05-13T15:16:00.000Z

Já það er ekki laust við að maður hafi orðið fyrir nokkrum vonbrigðum með úrslit kosninganna, en það mátti svo sem búast við þessu!!! Var bara svo reið yfir þessum úrslitum, enda löngu kominn tími á breytingar... það er ekki holt að hafa þá sömu við stjórnvölin svona lengi... Kannski maður pakki bara saman og flytji úr landi... hér breytist allavega ekki neitt á næstunni!!!

Afmælisbarn

2007-05-06T13:33:00.000Z

Þá er dagurinn runninn upp, bjartur og fagur og ég orðin 25. ára :o) Til hamingju með afmælið Guðbjörg, Petra og mamma hennar Heiðu... Og allir hinir sem líka eiga afmæli í dag :o)

My last days as HA-student

2007-05-04T09:44:00.000Z

Já ótrúlegt en satt þá er ég bara bráðlega að fara að kveðja Háskólann á Akureyri! Finnst eins og það hafi verið í gær sem ég skyldi við mömmu og pabba í Áshlíðinni og rölti upp á Þingvallarstræti sem hefur verið mitt annað heimili þessi þrjú ár sem ég hef verið hérna... Á þessum árum hefur svo ótrúlega margt gerst og líf mitt hef breyst mikið. Ég hef líka kynnst fullt af skemmtilegu fólki og gert ótrúlega marga hluti... stundum hefur mér leiðst mikið en oft hefur líka verið mjög gaman :o) Það er nokkuð ljóst að ég á eftir að minnast áranna hérna á Akureyri með söknuði, sérstaklega á ég þó eftir að sakna hinna yndislegu stelpna í Sultuklúbbnum... Takk fyrir að vera eins og þið eruð... :o*

p.s. við tækifæri skelli ég inn góðri myndaseríu frá þessum árum...

Búið

2007-04-27T17:00:00.000Z

Ég er búin að skila lokaritgerðinni minni... Einn mesti gleðidagur í lífi mínu :o)

Lokaspretturinn

2007-04-23T22:00:00.000Z

Ég átti mjög góða helgi. Skilaði lokauppkastinu af ritgerðinni minni á fimmtudaginn og skellti mér síðan bara suður í borgina. Keyrði í Brú og skildi bílinn minn eftir þar og fór restina af leiðinni með mömmu og pabba sem voru að koma að vestan. Á föstudeginum skellti ég mér í heimsókn í Hjallaskóla. Fékk góða kynningu á skólanum og skrifaði undir starfssamning :o) Fínt að vera komin með það á hreint!!! Eyddi síðan tímanum með Úlfari og fjölskyldunni til skiptis.
Í gær var Tinna frænka mín síðan fermd. Athöfnin var bara voða notaleg og veislan á eftir mjög fín. Alltaf gott að fá góðar kökur ;o)

Núna er það svo bara lokaspretturinn hérna í Háskólanum. Fékk ritgerðina mína til baka frá Brynhildi í morgun og er nú byrjuð á síðustu lagfæringunum... frekar góð tilfinning og stefni ég á að skila ritgerðinni inn á föstudag :o) Hefði samt aldrei náð því sem ég er búin að gera ef ég ætti ekki svona yndislega mömmu!!! Ef allir væru svona heppnir...

Vor í lofti...

2007-04-16T20:28:00.000Z

Já það er sko aldeilis vor í lofti. Grasið er farið að grænka og það er einnig farið að hlýna nokkuð í veðri. Svo er það auðvitað skóla-stress-fýlingurinn sem fylgt hefur vorunum hjá mér núna síðast liðin fjögur ár... en brátt sér fyrir endan á honum og minni háskólagöngu! (í bili að minnsta kosti, maður á víst aldrei að segja aldrei ;o)) Án efa verður það nokkuð skrítið að mæta ekki aftur til starfa hér á Akureyri næsta haust, mest á ég auðvitað eftir að sakna skólafélaganna og þó sérstaklega sultunum mínum... En það er auðvitað líka margt spennandi fram undan. Nú er það bara lífið, þetta líf sem ég er búin að þrá svo lengi að getað byrjað að lifa en er samt smá smeyk við...

Páskar

2007-03-31T09:47:00.000Z

Jæja þá nálgast páskarnir víst... get ekki beðið eftir því að komast aðeins heim! Reyndar ekki mikið útlit fyrir að það verði mikið um skemmtileg heit þessa páskana þar sem ég neyðist til að eyða mestum tíma mínum í að sitja yfir lokaritgerð, en samt æðislegt að geta nú allavega að getað knúsað fjölskylduna og Úlfar :o)
Úlfar ætlar að reyna að koma hingað á þriðjudaginn og svo brunum við bara vestur á miðvikudag. Já það er sko ekki hver sem er sem nennir að sækja mann til Akureyrar, en hann er líka alveg einstakur :o*
Hingað til hefur ritgerðin gengið svona upp og ofan... maður á alltaf sínar svörtu stundir en oftast birtir til á endanum. Vildi bara óska að ég ætti tímavél og gæti farið fram í tímann um einn mánuð eða svo... Þá væri þessu lokið... Ég mundi mun frekar vilja það en að fara aftur í tímann og vinna í Víkingarlottói... ;o)

Kennari

2007-03-26T21:08:00.000Z

Ég er búin að ráða mig í vinnu næsta vetur. Ég mun verða fyrsta bekkjar kennari í Hjallaskóla í Kópavogi. Þetta er bæði spennandi og erfitt viðfangsefni, en þrátt fyrir það tel ég að ætti að geta staðið mig vel ef ég legg mig alla fram. Finnst einhvern vegin samt skrítið að ég sé loksins að fara að lifa venjulegu lífi og takið eftir að verða FULLORÐIN!!!
Núna þýðir því víst ekkert annað en harkan sex í lokaritgerðarsmíðinni. Ég get víst ekki verið þekkt fyrir að vera Vestfiðingur fyrir ekki neitt ;o)

Finnland

2007-03-17T17:48:00.000Z

Séð með augum íslenskra kennaranema...

Já Finnlandsferðin var bara hin ágætasta. Það var allavega mikið hlegið... Hlustuðum á þó nokkuð af fyrirlestrum þar sem við skildum mismikið af því sem fram fór. Hópavinnan gekk bara vel þrátt fyrir dálitla erfiðleika í byrjun :o)

Ég skemmti mér að minnsta kosti vel og fallega eins og kennarinn bað mig líka um...

Útskrift

2007-02-27T19:38:00.000Z

Jæja þá er ég komin aftur norður eftir góða helgi í borginni. Stoppa reyndar stutt þar sem ég er á leið vestur á Ísafjörð á morgun þar sem ég mun vera fram á föstudag. Á laugardaginn er síðan hin árlega árshátíð Háskólans og verður það í síðasta skipti sem ég mun sækja hana. Eftir helgi er ég síðan á leið til Finnlands þar sem ég mun taka þátt í samnorrænu verkefni sem lýtur að fjölmenningu í skólum.

Síðast en ekki síst vil ég óska henni mömmu minni TIL HAMINGJU með útskriftina á laugardaginn!!! Takk líka fyrir frábærann dag :o)

Ást er...

2007-02-20T09:40:00.000Z

Mér hefur orðið tíðrætt um ástina hér að undanförnu, sumum til mikils pirrings. En væri hægt að óska sé nokkurs meira en að maki þinn segði eftir rúmlega 50 ára hjónaband aðspurður að því hvernig leiðir þeirra lágu saman ,,Ég bauð bara upp fallegustu stúlkunni á ballinu..." ? Já ekkert er jafn mikils virði í þessum heimi og ástin sem endist!

Gott að hafa að leiðarljósi í lífinu...

2007-02-18T23:51:00.000Z

"GUÐ gefi mér æðruleysi
til að sætta mig við það,
sem ég fæ ekki breytt...
kjark til að breyta því,
sem ég get breytt...
og vit til að greina þar á milli."

Afmælisbarn

2007-02-15T13:51:00.000Z

Já í dag á hann litli bróðir minn afmæli og er 18 ára!!! Ótrúlegt hvað tíminn getur verið fljótur að líða... finnst eins og það hafi verið í gær sem ég stóð úti á flugvelli með ömmu og Soffíu og beið eftir að fá loksins að sjá nýja fjölskyldumeðliminn sem kom ásamt foreldrum sínum með flugi frá Reykjavík. Mikið vatn hefur víst runnið til sjávar síðan þá og varla hægt að segja að hann Lilli litli sé lítill lengur. En ég óska honum allavega innilega til hamingju með daginn :o)

Hér að ofan má sjá fyrstu myndina sem tekin var af okkur systkinunum saman, sem hefur þá líklega verið í lok febrúar eða byrjum mars 1989.

Þreytt

2007-02-05T22:50:00.000Z

Helgin var frábær og ég er enþá hálf þreytt. En nú þýðir víst ekkert annað en að spýta í lófana og fara að vera mega dugleg að læra!!!

Sólardagurinn

2007-01-30T10:55:00.000Z

Jæja þá er sólardagurinn afstaðinn og þar með hið árlega sólakaffi. Aumingja þið sem misstuð af... Læt því hér fyglja smá pistil af http://www.bb.is

Sólin lét glitta í sig eftir langa fjarveru á hinum eiginlega sólardegi á Ísafirði 25. janúar, en í meira en 100 ár hafa Ísfirðingar fagnað komu sólar með því að drekka sólarkaffi og pönnukökur. Sólardagur er miðaður við þann dag er sól sleikir Sólgötu við Eyrartún, ef veður leyfir, eftir langa vetursetu handan fjalla. Gamli Eyrarbærinn sem stóð á Eyrartúni er löngu horfinn en miðað var við daginn þegar sólin skein þar á glugga í fyrsta sinn eftir meira en tveggja mánaða fjarveru. Enda þótt Eyrarbærinn sé horfinn á vit þeirra sem í honum bjuggu, þá munu ýmsir hafa enn í heiðri þann sið, að bjóða upp á sólarkaffi og rjómapönnukökur þann dag þegar sólin skín í fyrsta sinn á ný á stofugluggann heima hjá þeim. Það er auðvitað mjög misjafnt og fer bæði eftir því hvar í bænum fólk býr og eins eftir skýjafari. Myndina af sólinni tók Sigurður Ólafsson en kaffihlaðborðið á ég sjálf heiðurinn af ;o)

Það þarf tvo til...

2007-01-29T15:08:00.000Z

Nú er ný afstaðið árlegt þorrablót Bolvíkinga. Þetta árið átti sér stað nokkur umræða um þennan árlega viðburð í bæjarlífinu og langar mig til að gera hana að umtalsefni mínu að þessu sinni.

Eins og sumir hafa kannski heyrt þá gilda ákveðnar reglur um þátttökurétt þeirra sem sækja vilja þorrablótið og hefur kannski hvað helst verið gagnrýnd sú regla að þú verður að eiga maka til þess að geta sótt skemmtunina. Staðreyndin er hinsvegar sú að þetta er ekki bara eitthvað sem á við um skemmtunina í Bolungarvík heldur á mörgum öðrum stöðum í samfélaginu... Hvað er t.d. oft boðið upp á 2 fyrir 1? Er einmitt ekki yfirleitt gert ráð fyrir mökum ef skemmtanir að einhverju tagi eiga sér stað t.d. á vinnustöðum? Dæmi eru þess að fólk jafnvel forðist að mæta á slíkar samkomur því það er ekkert sérstaklega gaman að vera þessi sem er "stakur"... Mér finnst tími kominn til að við förum aðeins og skoða þessa hluti sértaklega í ljósi mjög breytra aðstæðna í nútíma þjóðfélagi!

Misskiljið mig þó ekki að ég sé á móti því að makar séu með, mér finnst bara ekki að það eigi að þurfa vera gert ráð fyrir því að ALLIR séu með slíkann með sér...

Þreytt

2007-01-28T17:09:00.000Z

Já nú er ég þreytt! Var boðin í mat og partý á eftir til Guðbjargar í gær. Síðan var að sjálfsögðu kíkt niður í bæ á Amour þar sem Ingó úr Idolinu var að spila. Hann hélt uppi alveg ágætis stuði en var samt alltaf með eitthvað attitude... Skemmti mér samt alveg ágætlega þarna... frekar fúlt samt að svo virðist sem einhver hafi nappað beltinu úr hálsmálinu á nýja jakkanum mínum :o/ Nú styttist í hina árlegu vísindaferð HA og get ég ekki annað sagt en að ég hlakki til að koma í borgina, sérstaklega til að skoða hin margumrædda Ingunnarskól!!!

Karlmennska

2007-01-21T13:32:00.000Z

Vegna nýliðins bóndadags núna síðastliðinn föstudag hefur verið nokkur umræða um það í útvarpinu hvað sé karlmennsku, eða hvað það er sem konur vilja meina að einkenni "alvöru" karlmann. Mörg svör, misgáfulega að sjálfsögðu..., hafa komið upp þannig að ég fór aðeins að velta þessu fyrir mér. Hvað er það eiginlega sem ég lýt svo á að verði að einkenna karlmann? Eftir að hafa hugsað mig um stundarkorn... og notalegum potti í Akureyrarlaug :o)... komst ég mér til nokkurar furðu að niðustöðu. Flest það sem mér finnst að þurfi að einkenna karlmann til þess að hann geti talist "alvöru" karlmaður var að mestu leyti eitthvað sem á við um hann pabba minn!!! Ykkur til gamans tel ég hér upp nokkur atriði og viðurkenni það að það sem oft hefur verið sagt að kona leiti eftir karlmanni sem líkist föður sínum er kannski ekki svo fjarri lagi... Njótið ;o)

Karlmaður verður í fyrsta lagi að vera sterkur, ég fýla frekar stráka/karla sem vinna við eitthvað þar sem þeir þurfa að reyna líkamlega á sig.
Karlmenn geta smakka allt í ískápnum, sérstaklega þegar maður er ekki viss um það hvort maturinn sé orðinn skemmdur.
Mér finnst frekar flott að fá að sjá hann soldið skítugan. Þýðir að hann hefur verið að gera eitthvað.
Og svo er það margt svo miklu fleira... kannski þið getið bætt einhverju við??

Life goes on and on

2007-01-20T10:18:00.000Z

Jæja þá er lífið byrjað sinn vanagang aftur. Skólinn kominn á fullt og ég m.a. búin að skila fyrsta verkefninu á þessari önn. Þá er það bara hin ógurlega lokaritgerð sem ég er að baksa við að byrja á. En efnið er allavega áhugavert sem ýtir á mann.

Þessa helgina er háskólasprell hérna fyrir norðan sem þýðir að stórir hópar frá skólunum fyrir sunnan eru hér í heimsókn núna. Í gær var farið upp á Sólborg þar sem boðið var upp á drykki og fólk gat spjallað saman. Hitti m.a. gamlann bekkjarfélaga úr grunnskóla :o) Svo kíktum við Heiða aðeins niður í bæ með Ólöfu og Grétu. Ég var mjög ánægð með að vera bara komin heim um tvö leitið, annars væri ég ekki svona hress núna. Er að hugsa um að lesa svona fram að hádegi og skella mér þá í sund. Það er nú einu sinni alltaf svo hressandi. Í kvöld er síðan planið að fara bara út að borða á Plaza með Kennó og kíkja svo jafnvel aðeins í Sjallan... sjáum til hvernig það verður ;o)

Þá er ég allavega komin með smá skýrslu af sjálfri mér... sem var ekki væmin ;o)

Væmin

2007-01-10T22:16:00.000Z

Stundum langar mann bara hreint og beint til að vera væminn... það er eiginlega fátt sem mér finnst lýsa þeirri tilfinningu betur að vera ástfangin en textarnir með Sálinni!!! Þó svo að ég viti vel að "sumir" séu ekkert alltof hrifnir af þeirri grúbbu þá held ég að þessir textar geti fengið marga til að bráðna... Ég læt fylgja með einn texta sem ég held reyndar að ég hafi sett inn hérna áður. Það eru tvær manneskjur sem ég hugsa alltaf til þegar ég heyri þetta lag... og það fer alltaf notalegur hrollur um mig þegar ég heyri forspilið að laginu...

Undir þínum áhrifum
[lag: Guðmundur Jónsson / texti: Stefán Hilmarsson]

Ég er ofurseldur þér og uni vel.
Það er annað finnst mér allt mitt hugarþel.
Sem ég horfi á þig sofa finn ég að
það er brotið nú í lífi mínu blað.

Ég hef beðið nokkuð lengi eftir þér,
svo ég segi það hreint alveg eins og er.
Og ég hugsa alla daga til þín heitt.
Alveg ótrúlegt hve allt er orðið breytt.

Það er varla nokkur heppnari en ég.
Þessi tilfinning er ævintýraleg.
Ég er undir þínum áhrifum í dag.
og verð áfram, enginn vafi er um það.

Þú ert náttúrunnar undurfagra smíð,
verður hörpu minnar strengur alla tíð.
Það er ekki nokkur sem að brosir eins og þú.
Og ég lofa gjafir lífsins fyrr og nú.

Ég er undir þínum áhrifum í dag.
og verð áfram, enginn vafi er um það.

Þú hefur löngu sigrað mig.
Takmarkalaust ég trúi á þig.
Mitt allt er þitt og verður
ókomin ár.

Ég mun elska þig allt fram á hinstu stund.
Uns ég held um síð á feðra minna fund.
En að líkum hef ég tímann fyrir mér
og ég hlakka til að eyða honum með þér.

Það er varla nokkur heppnari en ég.
Þessi tilfinning er ævintýraleg.
Ég er undir þínum áhrifum í dag.
og verð áfram, enginn vafi er um það.

Ég er undir þínum áhrifum í dag.
og verð alltaf, enginn vafi er um það.

Nýtt ár, nýr tími... nýtt eitthvað meira...

2007-01-09T20:01:00.000Z

Já það er víst orðið nokkuð langt síðan ég lét heyra í mér síðast. Jólin eru búin og jólafríið því miður líka... Var að vinna á fullu á pósthúsinu fyrir jólin sem var auðvitað bara mjög gaman. Síðan eyddi ég jólunum bara í faðmi fjölskyldunnar á Ísafirði. Fór síðan suður 30. des og var þar á áramótunum og þar til í gær þegar ég flaug hingað norður til Akureyrar. Þó svo að áramótin hafi verið allt öðruvísi en nokkurn tíman fyrr þá var bara mjög gaman. Við Úlfar borðuðum hjá mömmu hans og skutum síðan upp flugeldum með Jóni Ásgeiri. Síðan fórum við á ball í Grafarholti sem var meira en lítið skrítið... En ég er bara farin að hlakka til að fá ástina mína til mín aftur :o)

Jólin nálgast

2006-12-11T21:43:00.000Z

Já það eru víst bara 13 dagar til jóla svo það er eins gott fyrir ykkur að fara að spýta í lófana ef þið ætlið að ná að klára allt sem þarf að vera búið að klára!!!
Ég er komin heim og byrjuð að vinna á pósthúsinu, alltaf nóg að gera á þeim bæ á þessum árstíma. Pakkarnir streyma inn sem aldrei fyrr með tilheyrandi stressi og taugaveiklun ;o) Ég er sem betur fer búin að ljúka við nánast allar gjafir sem ég gef í ár...

Annars voru dagarnir í Reykjavík bara alveg ágætir. Ég fékk að minnsta kosti loksins að eyða smá meiri tíma með Úlfari sem var auðvitað ekkert annað en frábært!!!

Komin suður á boginn

2006-11-28T17:22:00.000Z

Jæja þá er ég búin að eyða nokkrum dögum hér í borg óttans. Það getur nú verið þvílíkt stressandi enda er ég kannski ekki þolinmóðasta manneskja í heimi!!! Hlakka samt til að komast í sæluna fyrir vestan ;o)

Jólafrí!!!

2006-11-22T15:16:00.000Z

Jæja þá er ég óformlega komin í jólafrí!!! Á bara eftir að klára eina dagbókarfærslu og verkefni í Grunnskólafræði... er á leiðinni suður á föstudag og ætla bara að hafa það kósý þar í rúma viku eða svo. Síðan þarf ég ekkert að mæta aftur í skólann fyrr en 10. janúar!!! Já lífið er ljúft þessa dagana :o)

Að snjóa í kaf!

2006-11-14T21:55:00.000Z

Munið þið eftir myndinni um Jón Odd og Jón Bjarna? Munið þið kannski eftir atvikinu þegar mamman og pabbinn fóru að reyta arfa í kartöflugarðinu? Ég lennti nefninlega í svoleiðis atviki í dag...

Þegar ég vaknaði í morgun var allt komið á kaf hérna. Ég átti ekki að kenna nema einn tíma eftir hádegi þannig að ég lúrði aðeins lengur í rúminu og labbaði síðan bara í skólann. Eftir að ég kom aftur heim tók það mig langan tíma að telja í mig kjark til að klæða mig upp og skella mér útí snjóinn til að moka bílinn minn út. Eftir kvöldfréttirnar lét ég loksins verða að því. Dúðaði mig upp og fór út í snjóinn, tók skóflu mér í hönd og byrjaði að moka. Þegar ég var að mestu leiti búin að moka bílinn út ruddi ég af honum snjóinn og reyndi að opna hann til að ná í sköfuna. En hurðin stóð eitthvað á sér og því reyndi ég að opna bílinn hinu megin. Datt í hug að hún væri bara svona vel frosin aftur... Þegar ég svo gekk aftur fyrir bílinn tók ég eftir dálitlu hræðilegu!!! aftan á honum stóð Yaris... ég var víst búin að moka vitlausan bíl út!!!! Næsti bíll við hliðin á var víst minn bíll... og ég neyddist til að byrja allt upp á nýtt...

Ég er farin að halda að ég sé bara í alvöru ljóshærð...

8 dagar í jólafrí :o)

Gaman gaman

2006-11-13T22:00:00.000Z

Ég komst loksins suður um hádegi á laugardag. Átti alveg hreint æðislegan tíma með Úlfari þó svo að hann væri alltof stuttur! Fór líka í skírn hjá Katrínu systur þar sem litli gaurinn hennar fékk nafnið Númi Hrafn :o) Stoppaði reyndar stutt við þar sem ég var á leið á árshátíð með Úlfari og vinnufélögum hans. Við fengum ágætis mat og fórum síðan á ball með Sálinni á NASA. Ballið var alveg frábært og við dönsuðum alveg heilann helling :o)
Í gær kíktum við síðan saman í nýja IKEA, sem er reyndar alltof stórt fyrir minn smekk... Fengum okkur síðan borgara á American Style MMmmmmm... Stuttu síðar var ég flogin á norðlægari slóðir :o(
En núna eru bara 9 dagar í jólafrí, JIBBÍ!!!!

Veður

2006-11-10T20:43:00.000Z

Ég ætlaði að vera búin að eyða þessum degi í höfuðborg landsins. Ráfa á milli búða í kringlunni og kíkja í hið nýja IKEA. Á þessum tíma hafði ég hugsað mér að kúra bara upp í sófa með Úlfari og hafa það næs, en NEI!!! Ég er föst á Akureyri... sit ein í sófanum mínum og horfi á mis gott sjónvarpsefni, drekk pepsi, borða möndlur og vonasti eftir því að tíminn verði fljótur að líða... athugun klukkan 7.45 í fyrramálið og vonast ég eftir að komast með fyrstu vél!!!

Amour

2006-11-02T22:04:00.000Z

Það er bara ekkert í heiminum sem jafnast á við það að vera ástfanginn...

Að eignast börn

2006-10-25T14:54:00.000Z

Á síðasta föstudag fékk ég að heyra bestu ástæðu sem ég hef nokkurn tíman heyrt fyrir því að maður ætti að eignast barn. Það var þannig að 6 ára gömul vinkona mín kom í heimsókn til mín. Henni fannst víst heldur of mikið drasl í stofunni hjá mér. Þá sagði hún : Sigga ég held að þú ætti að fara að eignast barn. Ég sá ekki alveg afhverju henni datt það allt í einu í hug, svo ég spurði hana afhverju. Nú afþví þá hefur þú einhvern til að hjálpa þér að taka til, svona alveg eins og mamma. Ég hjálpa henni svo oft... Svo leit hún voða stolt á okkur og sagði Er þetta ekki góð hugmynd hjá mér?!

Ég veit ekki með ykkur en mér fannst hugmyndin alveg frábær, burt séð frá því hve raunhæf hún er eða hvort hún standist yfirleitt... Ég á víst ekki börn svo ég get ekkert sagt um það... ;o)

Hvalir

2006-10-18T20:04:00.000Z

Nú hafa hvalveiðar verið leifðar aftur á Íslandi. Þessi ákvörðun hefur valdið miklum og heitum umræðum í fjölmiðlum undanfarna daga. Ég er allavega búin að fylgjast með nokkrum körlum rífast um þetta í Kastljósinu... Þar kom nú m.a. fram að segja má að heil kynslóð hafi alist upp við það að hvalkjöt væri ekki á boðstólum. Nánar tiltekið er þetta mín kynslóð! Þrátt fyrir að vera vinstri sinnuð fram í fingurgóma er ég ekki sammála mörgum skoðanabræðrum mínum og systrum. Ég er nefninlega alls ekki á móti hvalveiðum!!! Ég hef verið þeirra gæfu aðnjótandi að hafa marg oft smakkað á hrefnukjöti og fundist það mjög gott. Kannski er ég líka bara svona gamaldags og finnst að við eigum ekki að láta aðra ráða því hvað við Íslendingar gerum... Ég er Vestfirðingur og veiðimannseðlið mér því í blóð borið, enda skyld Hrefnu-Konna... ;o)

Nú spyr ég ykkur, kæru lesendur, hver er ykkar skoðun?

Lítill gullmoli fæddur

2006-10-17T14:43:00.000Z

Um tíu leitið í morgun eignaðist ég lítinn frænda. Hann var 51cm, en pabbi gleymdi víst að fá frekari upplýsingar um stærð þegar Katrín hringdi í hann... Til hamingju með litla kútinn Katrín, Baldur, Tinna og Pétur Starkaður :o)

Allt að gerast!

2006-10-15T19:17:00.000Z

Jæja þá er beðið eftir komu nýs fjölskyldumeðlims. Katrín systir var byrjuð að missa vatn í gær svo maður bíður bara spenntur eftir frekari fréttum! Alltaf gaman þegar lítið kríli bætist í hópinn.

Annars á hún Birna frænka mín afmæli í dag og er orðin 6 ára. Tíminn er svo ótrúlega fljótur að líða.

Í dag skrapp ég í bíó með Guðbjörgu og co, sem var góð tilbreyting frá leiðinlegri verkefnavinnu! Myndin var Wild life og þótti mér hún bara nokkuð góð. Ekki er laust við að sumum hafi þótt það talsvert meira sport að borða popp og drekka kók heldur en að horfa á myndina sjálfa... say no more

Ný vika...

2006-10-09T12:34:00.000Z

Jæja þá er kominn mánudagur aftur... Helgin var frábær! Sprellmót áið var á föstudag og alvar það hin mesta skemmtun. Endaði með partýi heima hjá mér og svo auðvitað djammi í Sjallanum :o) Svo kom Úlfar líka til mín á fimmtudag og ekki er hægt að segja að það hafi verið leiðinlegt að hafa hann hjá sér í næstum fjóra dag...

Núna er ég hinsvegar bara komin á fullt kennslu og ætla að reyna að vera dugleg... Er reyndar alveg óskaplega einmanna eitthvað akkúrat þessa stundina, vantar eiginlega stórt knús frá einhverjum sem þykir vænt um mig

Alvara lífsins

2006-10-02T20:43:00.000Z

Jæja þá er alvara lífsins hafin. Við Lilja byrjuðum að kenna í 3. bekk í dag. Það verður varla annað sagt en að það hafi bara gengið mjög vel hjá okkur. Komumst samt að raun um hvað undirbúningur getur tekið langann tíma eftir að haf klippt út 32 köngulóabækur... eigum enþá 13 eftir sem við ætlum að klára á morgun! Tíminn var bara alveg ótrúlega fljótur að fljúga áfram, bæði í kennslunni og undirbúningnum. Ég fann vel hvað það nýttist mér vel að hafa kennt áður. Allt stress fauk út í veður og vind þegar ég stóð fyrir framan krakkana... Er eignlega bara alltaf að komast betur og betur að því hvað þetta starf á vel við mig. Það kom mér samt á óvart hvað ég finn mig miklu betur með yngri börnunum, hélt akkúrat að það væri öfugt. En það er bara ekki annað hægt en að hlakka til komandi vikna...

Já og svo er það bara sprellmótið á föstudaginn, þar verður án efa hörku stuð. Sérstaklega ánægð með að vera búin að plata ónefndar manneskjur til að mæta. Ég get án efa lofað miklu stuði þar... eða er ekki alltaf gaman ef maður vill hafa gaman?! VILJIN ER ALLT SEM ÞARF!!!

Afmælisbarn

2006-09-24T20:49:00.000Z

Mig langaði bara til þess að óska afmælisbarni dagins til hamingju með daginn :o) Katrín systir á afmæli í dag og nálgast fertugsaldurinn hægt og bítandi... ;o)

Gestir

2006-09-22T21:12:00.000Z

Jæja þá er ég búin að fá tvo gesti í heimsókn til mín sem verða hér hjá mér næstu vikuna :o) Tinna og Elvar ákváðu að skella sér hingað norður í heimsókn til mín. Við fengum okkur bara kjúkling og franskar í kvöldmat, nema aumingja Elvar sem neyddist til að borða hrísmjölsgraut og stappaða banana því hann á svo vonda mömmu.... ;o)
Trúi ekki öðru en að það eigi eftir að verða gaman hjá okkur hérna...

Annars lítið nýtt að frétta af mér. Er nánast búin með dagbókina sem ég á að skila á mánudagsmorgun þannig að ég er bara hress :o)

Ohhh, hvað lífið getur stundum verið ljúlft...

2006-09-20T18:47:00.000Z

... en þar sem það endist sjaldnast í langann tíma í lengur vill maður oft eyðileggja andartakið með því að kvíða fyrir því sem tekur við.

Ég er aftur komin norður á Akureyri. Helgin var alveg meiriháttar, rúsínan í pylsuendanum var að sjálfsögðu sunnudagskvöldið en þá eldaði hann Úlfar Lagsania fyrir mig. Örugglega sú besta máltíð sem ég hef fengið í langann tíma :o) Hann er bara svo mikið yndi... Allavega þá höfðum við það alveg ótrúlega næs saman. Vorum bara heima á föstudagskvöldið en fórum svo í mat og spil til Ólafar og Axels á laugardagskvöldinu. Einnig skelltum við okkur á Players í Kópavogsborg...

Og núna sit ég bara heima og nenni ekki að fara að byrja að læra, þrátt fyrir að nokkur ókláruð verkefni bíði mín... get bara ekkert gert nema hugsað um hann!!! Já það er ekki létt þetta líf...

Suðurferð

2006-09-12T17:14:00.000Z

Ég er að fara suður á föstudaginn og get varla beðið...

Allt að komast á fullt

2006-09-05T14:32:00.000Z

Jæja þá er bara allt að komast á fullt hér fyrir norðan. Vetvangsnámið styttist ófluga og nú fer að líða að því að æfingarkennslan hefjist! Finnst bara eins og ég sé nýbyrjuð, ótrúlegt hvað tíminn getur stundum verið fljótur að líða...
Nú er bara að spýta í lófana og byrja á þeim verkefnum sem framundan eru!

Átti annars alveg ótrúlega næs helgi enda kíkti Úlfar í heimsókn til mín :o) Er bara strax farin að hlakka til að sjá hann aftur... spurning um hvenær maður skellir sér suður...

Kósý dagur

2006-08-26T23:53:00.000Z

Jæja þá er maður aftur komin norður fyrir heiða og þessi síðasta önn mín í Háskólanum á Akureyri hafin. Verð að viðurkenna að þetta er frekar skrítin tilfinning, þ.e. að vera þriðja árs nemi! Í vor verð ég fullorðin!!!

Í dag átti ég voða kósý dag með Guðbjörgu og krökkunum. Byrjuðum daginn snemma á því að kíkja í sund, eftir það höfðum við það bara skemmtilegt á trambólíninu, kíktum á flóamarkaðinn á Hömrum og margt fleira. Borðuðum síðan núðlur og höfðum það kósý um kvöldið. Að þessu leiti er nokkuð gott að vera komin aftur norður... alltaf gott að hitta uppáhaldsfólkið mitt :o) Takk fyrir daginn Guðbjörg, Auður og Atli

Góður bragur

2006-08-11T17:39:00.000Z

Kæra Kristjana mín,
Klóra ég ögn til þín,
til að þakka þér
þau þroskuðu og gómsætu ber
er þú sendir mér.
Sumar og sólskin er hér
og börnin úti að leika sér.
Nú ertu farinn á fjöll,
ég fékk í mig svolítinn kjöll.
Ég vona að þú heimtist í haust,
ég heimta það fortaka laust.
Þegar veturinn hvæsir og hvín,
þá kemuru hingað til mín.
Því ég er sko alltaf eins,
þinn einlægi
Kristján Steins

Höfum svolítið verið að veltast með vísur undanfarið á pósthúsinu og datt þess vegna í hug að skella þessari inn svona til heiðurs henni ömmu minni :o)
Annars styttist óðfluga í norðurferð mína og ég er í óðaönn að ganga frá öllu sem þarf að vera frágengið áður en ég fer...
Síðasti vinnudagurinn var í gær og póstkellurnar kvöddu mig allar með virktum. Buðu mér meiraðsegja bara út að borða á Fernandos í gær :o)
Segji þetta bara gott í bili

Allt tekur endir um síðir

2006-07-28T23:00:00.000Z

Jæja þá er 28. júlí í dag og aðeins tvær vikur í það að ég flytjist aftur búferlum norður á boginn. Ætla reyndar að taka forskot á sæluna og skreppa til Akureyrar á Versló með henni Heiðu systur og vonast þá eftir að sjá eitthvað af mínum elskulegu sultum sem ég hef saknað svo mikið í sumar. Það hefur þó linað sársaukan að hitta litlu englana mína tvo sem voru á ferðalagi með pabba sínum og co hér fyrir vestan :o)
Fékk reyndar mjög skemmtilegt símtal fyrir nokkrum dögum frá henni Guðbjörgu þar sem hún var að bjóða mér sófann sinn í nýju íbúðina mína :o) Ég var auðvitað hin ánægðasta þar sem ég þekki hann af eigin reynslu og veit að það verður meiriháttar að kúra í honum yfir sjónvarpinu!!!

Vá hvað þetta blogg er eitthvað gelgjulegt... held að ég sé bara að komast í tengsl við gelgjuna í sjálfri mér! Svona fara Vestfirðirnir með mann...

Til að kóróna allt
6 dagar í versló :o)

Ég skemmti mér...

2006-07-24T23:11:00.000Z

Lítið að frétta af mér þessa dagana. Það styttist reyndar í versló og við Heiða ætlum þá að skella okkur til Akureyrar :o) Gaman að sjá bæinn frá öðru sjónarhorni... ætlum að gista í tjaldi og allar græjur :o) Líklega kíkjum við líka á einhverja staði í kring og kannski eitthvað fólk líka, hver veit!

Annars átti ég mjög skemmtilega helgi. Fyrst með Salari og síðan á balli á Flateyri með henni Tinnu. Látum myndirnar bara tala sínu máli :o)

Salar og ég

Fannar og Heiða

Ég og Tinna

Reykjavíkin

2006-07-10T13:16:00.000Z

Jæja þá er maður víst kominn afutr heim í sveitasæluna eftir að hafa eytt einni helgi eða svo í borg óttans. Skellti mér nebbla bara suður með henni Heiðu systir :o) Við vorum komnar í bæinn um ellefu leytið og byrjuðum á því að koma við upp í Grafarvogi til að sækja dót sem Heiða átti þar áður en við fórum á okkar gististaði þar sem við sváfum vært. Morguninn eftir átti síðan að taka daginn snemma og strauja allar helstu búðir borgarinnar. Það endaði að sjálfsögðu í sama brjálaðinu og vanalega, pirringu og fyrirheitum um það að gera þetta sko EKKI AFTUR!!! Það hefði eflaust verið mun skemmtilegra að sitja úti og sleikja sólina eða kíkja á írska daga upp á Skaga eins og mér var boðið að gera. Eftir erfiðan dag var mér síðan boðið í grillveislu hjá vinum Úlfars. Þar horfði ég á sorglegan ósigur Portúgala, borðaði lax, drakk smá bjór, söng í singstar og hafði það bara aldeilis fínt :o) Eftir herlegheitin kíktum við síðan niður í bæ, svo maður var ekki að skríða heim fyrr en um 4/5 leitið... Af þeim sökum lagði ég ekki af stað á hádegi eins og ég hafði áður ráðgert... Kom líka við í sveitinni hjá Steinunni og var því rétt að renna í hlað hér á Seljalandsvegi 67 þegar Ítalir voru að taka við bikarnum :o) Húrra fyrir því!!!!

Prinsessa

2006-06-26T18:27:00.000Z

Hefur ekki allar stelpur einhvern tíman dreymt um að vera prinsessur? Pabbi missti það út úr sér um daginn að ég væri prinsessan hans :o) Og að sjálfsögðu færði hann mér bleika gasblöðru með Barbie á 17. júní. Eru allar stelpur svona heppnar eins og ég eða á ég bara alveg einstakann pabba...

Kveðja

2006-05-26T22:02:00.000Z

Í gær kvaddi hún amma mín þessa veröld. Ég á eftir að sakna hennar alveg óendanlega mikið en ég veit samt sem áður að nú er hún einhversstaðar á miklu betri stað. Hún verður líka alltaf hjá mér því ég veit vel að hún á eftir að fylgjast með mér í öllu sem ég geri. Þegar ég brosi eða hlæ á ég alltaf eftir að muna eftir henni ömmu minni :o)

Plön

2006-05-24T21:12:00.000Z

Venjulega hefur gengið frekar illa hjá mér að setja mér langtíma markmið. Þau virðast nefninlega sjaldnast verða að veruleika. Núna er ég samt búin að hafa dálítinn tíma til að setjast niður og hugsa mig aðeins um. Í fyrsta lagi er ég búin að ákveða að skera niður í kaupum sem snúa að útlitinu. Ég hef tekið þá ákvörðun að hætta að láta lita á mér hárið á stofu, hætta að kaupa alltaf dýrustu snyrtivörurnar, s..s í raun og veru bara að hætta að eyða peningunum mínum í hégóma. Í staðinn ætla ég að fara að spara fyrir þeim ferðalögum sem ég hyggst fara í á næstunni. Í haust hef ég ákveðið að fara til Oslo og heimsækja hana Silje vinkonu mína. Næsta vor er það síðan sultuferð í tilefni af útskriftinni okkar næsta vor :o) Eftir skólann hef ég síðan sett stefnunna á að fara eitthvað út í heim. Hvert það verður er enn óákveðið... Hjálparstarf í Afríku, auipair eða bara eitthvað allt annað, bara svo framarlega sem það sé eitthvað í útlöndum!!! Er virkilega komin með þörf fyrir að skoða heiminn aðeins... Get varla beðið :o)

Komin heim

2006-05-19T19:23:00.000Z

Vildi bara láta vita að ég er enn á lífi og komin heim til fjallanna minna fögru. Hef lítið gert síðan ég kom vestur annað en að slappa af, lesa í bók sem ég fékk í afmælisgjöf og sitja hjá henni ömmu minni á sjúkrahúsinu. Skrítið að mér finnst ég vera farin að ókyrrast. Það á ekki beint við mig að hafa ekki meira að gera, erfitt að slæpast bara... Kannski ég fari bara að lesa danskar pokket bækur til að undirbúa mig fyrir næsta vetur ;o)

Próftíð lokið

2006-05-10T23:30:00.000Z

Jæja þá er hinni blessuðu próftíð lokið að þessu sinni og þar með þessari önn!!! Að hugsa sér að næsta haust á maður eftir að vera lokaársnemi... Þessi önn hefur verið viðburðarrík og má með sanni segja að ég hefi sjaldan skemmt mér jafn mikið :o) Í gærkvöldið fór ég í Gulu villuna að kveðja stelpurnar. Ég á virkilega eftir að sakna þeirra, en planið er að fara til Oslo við fyrsta tækifæri!!! Meðfylgjandi mynd er frá endi afmælisveislunnar/kveðjupartýsins á síðustu helgi :o)

One

2006-05-08T11:19:00.000Z

Þetta lag er ég búin að hlusta á mjög oft núna í próftíðinni... enda mjög flottur texti og að sjálfsögðu frábær tónlist. Enda er U2 alveg meiriháttar!!!

Is it getting better?
Or do you feel the same?
Will it make it easier on you?
Now you got someone to blame

You say
One love
One life
When it’s one need in the night

Its one love
We get to share it
It leaves you baby
If you don’t care for it

Did I disappoint you?
Or leave a bad taste in your mouth
You act like you never had love
And you want me to go without

Well it’s too late
To night
To drag the past out
To the light

We’re one
But we’re not the same
We got to carry each other
Carry each other
One

Have you come here for forgiveness?
Have you come to raise the dead?
Have you come here to play Jesus?
To the leapers in your head

Did I ask too much?
More than a lot
You gave me nothing
Now that’s all that I got

We’re one
But we’re not the same
We hurt each other
Then we do it again

You say
Love is a temple
Love is the higher law

You ask me to enter
But then you make me crawl
And I can’t be holding on

To what you got
When all you got is hurt

One love
One blood
One life
You got to do what you should

One life
With each other
Sisters
Brothers

One life
But we’re not the same
We get to carry each other
Carry each other

Afmælisdagur

2006-05-06T17:03:00.000Z

Í dag er mikill merkisdagur. Við Guðbjörg eigum báðar afmæli, já og Petra líka. Í tilefni dagsins hef ég fengið margar skemmtielgar gjafir en það toppar víst ekkert það sem ég fékk frá henni Sigrúnu vinkonu minni á Hvammstanga. Set hér inn mynd af kortinu frá henni sem ég opnaði kl. 22.00 í gærkvöldið :o)

Þankagangur

2006-04-29T19:07:00.000Z

Mig langaði til að skrifa eitthvað voðalega gáfulegt hérna... svona til tilbreytingar. En fann bara ekki upp á neinu. Í sumar ætla ég mér að vera duglegri við að koma með gáfulega pistla, hver veit nema ég komi kannski með skemmtileg pólitísk innlegg svona þegar nær dregur kosningum og ég verð farin að koma mér inn í þau málin heima :o)
Tíminn hérna fyrir norðan styttist óðfluga og er aðeins um tvær vikur þar til ég verð komin heim... mmm get ekki annað sagt en að ég sé bara farin að hlakka nokkuð mikið til, sakna fjallanna minna og alls heima svo mikið!!!

Hér kemur gáfulegur texti sem er eitthvað sem ég ætla að reyna að hafa í huga í framtíðinni... og tel reyndar að margir ættu að gera

"GUÐ gefi mér æðruleysi
til að sætta mig við það,
sem ég fæ ekki breytt...
kjark til að breyta því,
sem ég get breytt...
og vit til að greina þar á milli."

Próflestur

2006-04-28T20:11:00.000Z

Þá er próflesturinn víst hafinn með öllu sem honum tilheyrir. Undanfarna daga hef ég setið og lestið í siðfræði. Það er margt áhugavert sem ég hef verið að lesa en samt sem áður hefur mér þótt erfitt að staðsetja sjálfa mig innan einhverra þessarra stefna. Þegar ég var í mannfræðinni var menningarleg afstæðishyggja í miklum hávegum höfð en þegar ég fór að læra um hana hér þá var ekki allt sem sýndist... þannig að ég er fallinn ofan í endalausann pytt af hugleiðingum um það hvort að þær hugmyndir sem ég hef yfirleitt haft eigi við einhver rök að styðjast... er þið skiljið hvað ég á við! Allavega þá verður maður ansi steiktu í hausnum á þessum lærdómi og enþá er vika í mitt fyrsta próf!!!

---

Annars lítið að frétta annað en það að von á er fjölgun í fjölskyldunni í september. Katrín á nefninlega von á öðrum grís þá :o) Um að gera að drífa þetta bara af fyrst hún var á annað borð að byrja á þessu ;o)

Dánartilkynning

2006-04-23T22:18:00.000Z

Snjómaðurinn er látinn!!! Og nú meina ég það af fúlustu alvöru... eða allavega þarf mikið að gerast til að hann haldi lífi... innantóm að læra ensku

Goðin

2006-04-21T19:28:00.000Z

Það má kannski segja að ég hafi náð toppinum á mínum komandi kennaraferli í dag... hærra en þetta held ég allavega að fáir geti komist!!!
Ég, Heiða og Guðbjörg vorum fengnar til að vera starfsmenn á ráðstefnu um einstaklingsmiðað nám sem haldin er af Háskólanum á Akureyri. Þess skal getið hér að það er nokkuð síðan uppselt var á þessa ráðstefnu og er um 300 manns sem sækir hana. Í dag voru í boði sex námssmiðjur svo við sátum spakar við innritunarborðin og skráðum niður þá sem mættu ásamt því að afhenda ráðstefnugögn. Fyrirlestrar haldarar ráðstefnunnar eru ekki af verri endan og fengum við að líta rjóman af þeim hópi í dag... Sjálfur Ingvar Sigurgerisson kom og heilsaði upp á okkur, ég krossaði við Lilju Jóns (skapandi skólastarf), spjölluðum við Sif Vígþórsdóttur ásamt því að við börðum augum The man, eins og Rúnar Sigþórsson kallaði hann, Mel Ainscow, sem er víst aðal kallinn í þessu öllu saman :o)
Þannig að það er ekki að undra að ég sé hálf uppgefin eftir daginn... og ekki verður dagurinn á morgun léttari þar sem við munum að öllum líkindum eyða meirihlutanum af honum með félögum okkar í Brekkuskóla þar sem ráðstefnan mun fara fram.
Læt hér fylgja með mynd af aðal goðinu okkar ;o) (tekin af heimasíðu hans http://starfsfolk.khi.is/ingvar/ svo að ég geti nú heimilda...)

Skólinn

2006-04-20T00:10:00.000Z

Já nú er það víst ekkert nema harkan sex fram til 10. maí. Aðeins þrjár vikur í sumarfrí og þann áfanga að ég verði búin með mitt annað ár og 2/3 hluta af kennaranámi mínu hér við HA :o)

Ég sakna Ísafjarðar og þín...

2006-04-10T23:33:00.000Z

Jæja þá er maður bara á leiðinni heim :o) Já ætla að leggja af stað á kagganum mínum um hádegið á morgun. Það er ekki laust við að nokkur spenningur sé farinn að gera vart við sig. Er að mestu leiti búin að pakka niður og tilbúin að leggja af stað! Það verður nú ýmislegt um að vera þessa páskana. Fyrir utan rokkhátíðina á hún amma mín líka afmæli og svo er Steinunn líka að koma vestur eftir næstum 10 ára hlé... Veit samt að ég á eftir að sakna ykkar hérna fyrir norðan... mússí múss... Verst að missa af afmæli barnsins... ég er víst eitthvað slæm móðir ;o)

Strákar...

2006-04-05T21:19:00.000Z

Ég er endanlega búin að komast að því að strákar eru skrítnasta tegundin sem gengur á þessari jörðu... Hvernig er yfirhöfuð hægt að skilja hvað þeir meina?! Og svo segja þeir að við stelpurnar séum flóknar!!! Strákar þið ættuð bara að líta í eigin barm... þið eruð nefninleg enþá flóknari en við!!!

Tilvitnun

2006-04-03T19:23:00.000Z

Af því að ég var svo einstaklega vond við hann Arnar bekkjarbróður minn í dag ákvað ég að skella inn hér einni tilvitnun í hann með von um það að hann geti fyrirgefið mér öll ósköpin.... (hann fékk þó allavega hláturinn í staðinn...;o))

He who can, does, he who can not, teaches.

Sviðskrekkur...

2006-03-31T07:38:00.000Z

Jæja þá er dagurinn runninn upp. Bjartur og fagur! Í dag munum við frumflytja þá vinnu sem við höfum puðað að undanfarið, þ.e. sýningu í LHF! Það er ekki laust við að maður sé með smá fiðring í maganum en ég held að það sé nú bara betri svona til að halda sér vel við efnið :o) Allavega fyrir þá sem hafa áhuga þá byrjar sýningin í dag kl. 14.00 í Gamla Barnaskólanum. Í kvöld ætlar bekkurinn síðan að skemmta sér saman, fyrst í partý hjá Lilju og Sillu og síðan á sveitaballi í Hlíðarbæ :o) Þetta verður án ef einn skemmtilegasti dagur í langan tíma!!!

Sundkappinn mikli

2006-03-26T16:39:00.000Z

Jæja ég ákvað að skella mér í sund áðan. Fínt að liggja aðeins í bleiti og jafnvel taka smá sprett í lauginni... Ég bjóst sko ekki við því að sjá ákveðna manneskju þarna!
Þegar ég var orðin hálfgerð rúsína á því að liggja í pottinum ákvað ég að vera smá dugleg og synda soldið. Ég stakk mér í laugina og synti nokkrar ferðir. Þegar ég stoppaði við bakkan eftir nokkrar ferðir kom ég auga á kunnulegt andlit á brautinni við hliðin á mér! Þar var enginn annar en sjálfur Björn Teitsson mættur. Ég hélt að sjálfsögðu áfram að synda í þeirri von að verða vitni að því þegar sjálfur sjarmörinn stæði upp á bakkann, spennt fyrir því að sjá minn gamla skólameistara spranga um á bakkanum... en allt kom fyrir ekki! Bjössi var æstur í sundinu og ég varð að játa mig sigraða og laumast niðurlút inn í kvennaklefann...

Kosningar

2006-03-26T13:36:00.000Z

Jæja þá er komin sunnudagur og aldrei slíku vant sit ég niður í skóla og er að læra :o) (þetta er ekki kaldhæðni!!!) Aðalfundur Magister var á föstudagskvöldið og gekk allt bara mjög vel. Ég mun víst gegna hlutverki formanns n.k. vetur og vona bara að það eigi eftir að vera skemmtileg reynsla. Vestfirðingar virðast nokkurn vegin vera að taka völdin, allavega innan deildarinnar, þar sem að þrír af sex stjórnarmönnum eru að vestan. Ólöf víkari verður varaformaður og Lilja Ingólfs gjaldkeri. Aðrir í stjórn eru Heiða (ritari), Herdís (skemmtinefnd) og Þórdís (skemmtinefnd). Skemmtilegt frá því að segja að Heiða er eini Akureyringurinn... hún verður því að sjá um að halda uppi heiðri bæjarinns...

Framundan er síðan sveitaball í Hlíðarbæ, nánar til tekið n.k. föstudagskvöld. Þá er stefnan víst tekin á bekkjarpratý fyrir ball og ætlum við síðan öll að skella okkur saman á ball. Að sjálfsögðu lætur djammdrottingin sig ekki vanta... Reyndar er aðalfundur FSHA sama kvöld en þar sem hann byrjar um sjö leitið er ég að vonast eftir því að komast nú líka í partýið. Það er samt skilda að mæta og taka þátt í kosningunum sem skipta mun meira máli en við gerum okkur grein fyrir. Hvet ég alla nemendur HA til að kynna sér málin á heimasíðu FSHA !!!

Hin duglega stúlka...

2006-03-20T21:23:00.000Z

Þessa dagana er frekar mikið að gera hjá mér... Verkefni úr öllum áttum ásamt smá vinnu í kringum Magister. Gerðist nú samt voða myndaleg í síðustu viku og bauð Guðbjörgu og krökkunum í mat! (varð eiginlega að monta mig aðeins þar sem þetta tókst allt svo vel :o)) Var með lambabóg og allt tilheyrandi! Á föstudaginn skellti ég mér líka í vísindaferð í síman og hafði bara gaman af... það er víst alltaf hægt að finna sér tíma til að gera eitthvað annað en að læra... á næstu helgi er stefnan síðan sett á skemmtun á vegum Magister, sem verður án efa hin allra besta skemmtun :o)

Ungur eg var

2006-03-14T22:27:00.000Z

Já það er ekki laust við það að í þessu námi mínu hafi margar minningar frá því þegar ég var í grunnskóla rifjast upp fyrir mér. Í vor er líka 10 ára fermingarafmæli og af því tilefni ætlum við árgangurinn að hittast og gera eitthvað skemmtilegt saman. Að öllum líkindum verður gaman að hitta flesta aftur og ég vona bara að sem flestir mæti. Allavega væri gaman að hitta aftur þá sem maður hefur ekki séð lengi og veit í raun og veru ekkert hvað hefur orðið um!!!
---
Sumir vinir mínir hafa fengið að heyra eitthvað um mína skemmtilegu æsku, en hún var víst á tíðum ansi skrautleg. Þegar ég var í grunnskóla var ég allavega mikil félagsvera og var helst alltaf að brasa í öllu sem um var að vera. Ég man t.d. vel allt skipulagið í kringum það þegar við vinkonurnar ætluðum saman í bíó. Yfirleitt sá ég um það að panta miðana fyrir okkur og þá fór matartíminn ósjaldan í það að taka við símtölum og bóka niður miða... Já og svo var það auðvitað allt planið sem fylgdi afmælisveislunum og bekkjarkvöldunum. Fyrir utan hvað maður var nú alltaf mikið skotin í einhverjum strákum... skrifaði svo I LOVE framan á hendina á sér og nafnið á honum inn í lófann! Var svo að berjast við strákana í bekknum þegar þeir voru að reyna að kíkja... Já og þegar ég var í 7 ára bekk var ég líka voða dugleg við að kyssa strákana í frímínútum þeim til mikils ama. Við fórum tvær saman ég og Steinunn, eltum þá uppi á skólalóðinni, króuðum þá af út í horni og svo hélt Steinunn þeim á meðan ég kyssti þá... Spurning um það hvort að ég hefði ekki verið kærð fyrir kynferðislega áreitni ef þetta ætti sér stað í dag... ;o)
En svona var lífið fyrir vestan í gamla daga...

Auglýsing

2006-03-13T21:30:00.000Z

Þar sem að harði diskurinn minn hrundi fyrir jól datt auðvitað allt út úr favorites hjá mér... þess vegna glataði ég mörgum bloggsíðum sem mér finnst gaman að skoða! Auglýsi hér sérstaklega eftir bloggsíðunni þinni Kristrún, svona svo ég get kommenntað til baka ;o)

Bíóferð

2006-03-13T21:12:00.000Z

Já það var víst löngu komin tími á bíóferð hjá okkur stöllunum, þ.e. mér og Heiðu, enda höfum við ekkert farið saman í bíó í vetur! Fyrir valinu var Pride & Prejudice enda á besta verði í boði FSHA :o) Það verður ekki annað sagt en að fiðrildin hafi heldur betur tekist á loft í maganum á manni... og þau eru eiginlega ekki enþá farin að róa sig niður!!! Þetta var bara svona fullkomin stelpumynd, einmitt svona til að fara með góðri vinkonu á. Hefði sko alls ekki viljað fara á hana með einhverjum strák! Strákar skilja nefninlega ekki svona hluti... skilja ekki að maður geti beðið spenntur í tvo tíma eftir einum kossi... Sem var svo ekkert sýndur!!! Ég mæli allavega hiklaust með þessari, hvort sem fólk er ástfangið eður ei :o)

Snjómaðurinn, Loðna daumsýnin í Himalajafjöllum

2006-03-09T21:34:00.000Z

Fótspor í snjónum eru hið eina sem sést hefur af snjómanninum ógurlega!!!
Síðdegis þann 8. nóvember 1951 voru ensku fjallgöngumennirnir Eric Shipton og Michael Ward á ferð sinni ásamt serpanum Sen Tensig í átt að jöklinum Menlung í Himalajafjöllum. Skyndilega rákust þeir á gríðastór spor í snjónum. Þeir fylgdu sporunum í hartnær 1,5 kílómetra en fundu ekki þann, sem skilið hafi eftir sig sporin. Englendingarnir tveir höfðu aldrei séð neitt þessu líkt en Sen Tensig velktist ekki í vafa. Þeir höfðu fundið spor snjómannsins ógurlega í Himalajafjöllum.
Snjómaðurinn hefur verið þekkt fyrirbrigði í Asíu í langan tíma. Hans er getið í 3000 ára gamalli kínverski alfræðibók og íbúar á staðnum viðurkenna hann sem hluta af náttúrunni. Lýsingar á snjómanninum eru ansi fjölbreytilegar en flestum ber saman um að þetta er loðin vera, sem líkist manni. Hún gangi á tvemur fótum og skilji eftir sig fórspor sem minna á spor eftir apa.
Aldei hefur tekist að mynda snjómanninn ógurlega en margar myndir gafa verið teknar af fótsporum. Á 8. áratugnum fann leiðangur dýrafræðinga í Nepal spor eftir snjómanninn en þó svo að meðal leiðangusmanna væru helstu sérfræðingar heims á sviði dýralífs í Himalajafjöllum, tókst þeim heldur ekki að ákvarða sporin.
Frægustu ljósmyndina af fótspori tók Eric Shipton umræddan dag í nóvember á Menlungjöklinum. Myndin sýnir gríðarstóran, breiðan fót, með greinilegri stórutá, svo að öðruleiti líkist apafæti. Vandmálið er svo það, að það er ekki vitað um neina apa af þessari stærð neins staðar í heiminum. Því telja margir vísindamenn að ljósmynd Shiptons hafi verið gabb.
Þeir vísindamenn, sem eru jákvæðir gagnvart snjómanninum ógurlega, hafa birt margar kenningar. Ein sú áhugaverðasta felst í því að um sé að ræða núlifandi tegund dýrsins Gigantophithecus, sem er tröllvaxinn ættingi órangútans. Steingerfingar hafa leitt í ljós, að það dýr lifði eitt sinn í Suðaustur-Asíu

Þar sem oft heyrist hermt að snjómaðurinn ógurlegi sé með rauðan eða appelsínugulan feld telja margir að um sé að ræða einangraðan hópa órangúta sem hafa þróað hæfileika til að lifa af í kuldanum.

Svo virðist sem að nafn þessa meinta snjómanns sé yfirleitt tengt við lýsingarorðið ógurlegur. Það er spurning um það hvort að hið norðlenska afbrigði af snjómanninum flokkist undir það. Það er spurning um það hvort að maður gæti orðið ríkur með því að smella af honum einni mynd eða svo... Á maður ekki alltaf að nýta öll þau tækifæri sem gefast?!

Kurteisi

2006-03-08T21:43:00.000Z

Í ljósi umræðu í kennaradeildinni síðustu dag hef ég verið að velta hugtakinu kurteisi dálítið fyrir mér og hvað það er almennt að vera kurteis. Að þessu tilefni ákvað ég að gera dálitla rannsókn í morgun á meðan ég beið eftir að Guðbjörg sækti mig til að fara í leikfimi. Niðurstöðurnar komu mér ekki endilega á óvart þó að þær væru heldur sárar... Svo virðist nefnilega sem að karlmenn séu yfir höfuð mun kurteisari en konur! Á meðan ég stóð þarna niðri og beið áttu að sjálfsögðu fjöldi fólks leið framhjá mér, hver einasti karlmaður bauð mér góðan daginn en ekki einn einasti kvenmaður gerði það jafnvel þó að hún væri í fylgd með karlmanni sem biði góðan dag. Er þá málið virkilega það að við kvenþjóðin erum upp til hópa ókurteisari? Þetta er nefnilega ekki í fyrsta skipti sem ég verð vör við þetta þar sem að ég hef vel orðið vör við þetta í starfi mínu á pósthúsinu heima og þá sérstaklega í útkeyrslunni!!! Oft á tíðum nöldra konurnar meira og kvarta yfir hlutum sem skipta ekki miklu máli á meðan karlarnir segja að þetta sé bara allt í besta lagi.

Er þetta þá virkilega staðreynd? Er þetta eitthvað sem við þurfum að fara að skoða betur?

Results

2006-03-07T15:56:00.000Z

Já þá er komin þriðjudagur og ný vika hafin eftir skemmtilega helgi. Það var hreint frábært á árshátíðinni. Get ekki annað sagt en að ég hafi bara skemmt mér vel. Held samt að það hafi verið lang skemmtilegast að vera svona fín :o)

Ný vika og verkefnin byrjuð að hlaðast upp... Ég er búin að vera ótrúlega mikill trassi undanfarið! Er hreinlega með allt niður um mig þessa dagana og verð því að fara að spýta ærlega í lófana ef ég ætla mér að klára eitthvað af því sem ég á eftir að gera... Í dag er það listasagan og í kvöld ætla ég að lesa eitthvað í siðfræði og fara svo bara snemma að sofa.

Að lokum langaði mig að segja frá því að mér var boðið í mat á tveimur stöðum í gær. Fyrst í hakk og spakk hjá Guðbjörgu og síðan í þýska veislu á Gulu villunni! Það er erfitt að vera svona vinsæll, allavega fannst maganum mínum það ;o)

Árshátið

2006-03-01T17:27:00.000Z

Jæja þá er það árshátíðin á laugardaginn :o) Við Stína ætlum að skella okkur saman og vera rosalega sætar að sjálfsögðu! Ég er loksins farin að passa aftur í gamla stutta, svarta kjólinn minn þannig að ég ætla auðvitað að vera í honum. Svo ætlar mamma að senda mér gömlu kápuna svo ég verð örugglega voða fín :o) Kem með frekara update síðar...

Úr borg óttans

2006-02-28T09:19:00.000Z

Jæja þá er enn einni Reykjarvíkurferðinni lokið og ég aftur komin norður. Þetta var bara hreint hin ágætasta helgi og ég náði bara að slaka nokkuð vel á :o) Var samt aðallega í því að kynna Háskólann á Akureyri! Svo hitti ég m.a. Tinnu vinkonu og knúsaði hana til helling enda er hún nú orðin móðir! Já og restina af tímanum eyddi ég síðan með henni Heiðu systur minni og fórum við m.a. á McDonalds sem hún hafði aldrei farið á áður!!! Því fannst mér við hæfi að láta meðfylgjandi mynd fljóta með ;o)

Er þetta virkilega málið???

2006-02-20T23:41:00.000Z

Mér brá illilega við þegar Stína bennti mér á þessa staðreynd og var ekki lengi að leggja mitt að mörkum... hvet ykkur hin til að gera hið sama! Er þetta sú hnignun sem í vændum er, ef fram fer sem horfir þá virðist félagi minn úr síðustu færslu hafa rétt fyrir sér... Athugið þetta! http://www.mellur.is/langimangi

Enn og aftur í faðmi fjallanna bláu

2006-02-15T21:56:00.000Z

Já ég hef alltaf verið nokkuð hörundsár fyrir gagnrýni á minn fagara heimabæ og höfuðstað Vestfjarða, Ísafjörð! En þetta síðasta sem ég fékk að heyra sló nú allt út.Ísafjörður verður lagstur í eyði fyrir 2015! sagði einn við mig og glotti. Auðsjáanlega fyrir löngu búin að fatta hvað þyrfti til að æsa mig upp. Og að svo búnu færði hann rök fyrir máli sínu. Sjáðu til. Það sem styður þetta bezt er það hvað allt er orðið gamalt þarna. Þið eruð með Gamla bakaríkið, Gamala apótekið, Gamla sjúkrahúsið og svo mætti lengi telja... Er eitthvað nýtt að gerast þarna hjá ykkur! Er í alvöru einhver uppbygging í gangi þarna??? Þó að viðkomandi hafi að ég held, eins og áður segir, einungis verið að koma með þessar athugasemdir til þess að pirra mig þá hafa þær fengið mig til nokkurar umhugsunar. Er eitthvað að gerast þarna heima? Er í raun og veru verið að gera eitthvað til að byggja bæinn upp? Þá myndi fróðir menn benda á hið nýja háskólasetur og segja að hér væri komin vísir að nýjum háskóla á Vestfjörðum... En ég er ekki alveg jafn ginkeypt fyrir þessari hugmynd. Hvað koma í raun og veru mörg störf með þessu? Og hvar á þetta háskólamenntaða fólk allt að fá vinnu að loknu námi... er eitthvað í boði fyrir það?

Máltækið góða á alltaf jafn vel við, að fjarlægðin geri fjöllin blá, því ég virðist aldrei hafa verið jafn stolt af uppruna mínum og minni heimabyggð en eftir að ég flutti þaðan... skrítið finnst ykkur kannski... En ætli maður fari ekki að sjá hlutina í öðru samhengi þegar horft er á þá í örlítilli fjarlægð, enginn veit hvað átt hefur fyrr en misst hefura ... en ég vill samt ekki trú að ég sé að missa minn heitt elskaða Ísafjörð! Það verður allavega einhvern tíman miklu seinna en 2015!!!

Hann er bara orðinn 17 ára strákurinn!

2006-02-15T21:54:00.000Z

Já hann Beggi "litli" bróðir minn er bara orðinn 17 ára... frekar ótrúlegt en samt satt! Hann tók samt þá ákvörðun að taka ekki bílprófið að svo stöddu, enda óþarfa peningasóun þegar mamma og pabbi geta bara skutlað honum allt ;o)

Valentínusardagurinn

2006-02-14T16:34:00.000Z

Já í dag, hinn 14. febrúar, er hinn árlegi Valentínusardagur. Siðurinn er að ég best veit uppruninn í Bandaríkjunum. Ég hef s.s. ekki mikið út á þennan dag að setja annað en það að mér finnst það algjört rugl að við Íslendingar séum að taka upp þennan sið hjá okkur. Eigum við ekki sjálf tvo daga, bónda- og konudaginn, sem hægt er að nota í sama tilgangi og þennan dag???

Lítill drengur

2006-02-12T15:02:00.000Z

Gleymdi að minnast á það að Tinnu og Ragga fæddist 5 marka sonur á föstudaginn. Hann fæddist þremur mánuðum fyrir tíman og er því í hitakassa en allt virðist líta vel út miðað við aðstæður :o) Ég óska þeim bara innilega til hamingju með litla drenginn og vona bara að allt eigi eftir að ganga vel :o)

Alltaf er ég eins...

2006-02-12T11:24:00.000Z

Já alltaf er maður jafn hress... Ég hafði hugsað mér að vera alveg rosalega dugleg að læra þessa helgina. Á föstudagskvöldið ætlaði ég bara rétt aðeins að kíkja í bíó með Silje og Lone og hafa það bara huggulegt. Nýta síðan laugardaginn vel í SÞE verkefni þannig að ég gæti bara jafnvel kíkt í sund á sunnudeginum, en hvað gerist þá... Á föstudaginn var kynning hér í HA á náminu fyrir nemendur VMA og MA + kennurum úr báðum skólum. Eftir kynninguna var okkur síðan boðið í léttar veitingar yfir á Borgum. Ég ákvað að skella mér svo bara út að borða með Maríu og fleirum og eftir það enduðum við á Amor í fríum bjór svo það þarf víst ekki að spyrja að því hvernig kvöldið endaði!

En nú ætla ég bara að vera dugleg að læra og leggja áfengisneyslu á hilluna... í bili að minnsta kosti ;o)

Gangur lífsins

2006-02-09T19:16:00.000Z

Forsjárhyggja í gleði er það vitlausasta sem maður gerir. Þess í stað ætti maður að njóta hennar til botns um leið og hún gefst. Ég hef tamið mér þá reglu að bíða ekki eftir stórafmælum, heldur fagna hversdagslega.

Síðast liðna daga hef ég verið að rembast við að klára bókina Barn að eilífu þar sem Sigmundur Ernir lýsir því hvernig er að ala upp fatlað barn. Þessi stutti bútur hér að ofan er einmitt úr viðtali sem tekið var við hann í Mannlífi 2004. Það er ekki hægt að segja annað en að það hafi tekið nokkuð á að þessa bók. Margar tilfinningar tókust á innra með manni, en þó tel ég að eftir lesturinn hafi ég fengið nokkuð góða innsýn í það hvernig er að vera foreldri fatlaðs barns. Ég er kannski ekki algjör grænjaxl í þessum efnum þar sem að ég á nú móðurbróðir sem er með Downsheilkenni, er s.s. mongóliti eins og venjan var áður að segja. Ég get ekki annað sagt en að ég hafi verið einstaklega heppin að fá tækifæri til þess að kynnast honum. Með því að kynnast honum og fleiri félögum hans hef ég lært að meta lífið á annan hátt, hversu dýrmætt lífið í raun er. Og alltaf er hann að kenna manni eitthvað nýtt. Það sem mér þykir alltaf hvað mest vænt um hjá honum Ella frænda mínum er það hversu afskaplega næmur hann er alltaf á tilfinningar. Þegar einhverjum líður illa þá er hann oftast fljótur að setjast hjá viðkomandi, taka í höndina á viðkomandi og reyna að hugga. Þannig reyndist hann mér þegar ég átti erfitt og þetta er einmitt það sem maður þarf á að halda þegar manni líður ill. Að einhver bara komi og taki utan um manni og segji að allt verði í lagi án þess að vera með ótal spurningar... Jæja þessi pistill minn fór út í allt aðra átt en ég ætlaði í byrjun... Ég ætlaði að tala um fötluð börn, en sú umræða bíður þá bara betri tíma :o)

Klípusaga

2006-02-07T21:05:00.000Z

Þar sem að ég mun leggja stund á siðfræði þessa önnina finnst mér við hæfi að skella hér inn einni klípusögu og fá fram ykkar afstöðu.

Stórslysið
Læknir er á ferð í bíl sínum og ekur óvænt fram á flugvélarflak á miðjum veginum. Vélin er greinilega nýhröpuð og liggur stórslasað fólk eins og hráviði meðfram henni. Hægra megin akbrautarinnar kúrir einn hinna slösuðu og metur læknirinn það svo að þótt honum sé viðreisnar von þá taki um klukkutíma að bjarga lífi hans. Hinum megin brautarinnar liggja fimm minna slasaðir einstaklingar en þó allir í lífshættu. Læknirinn ályktar að um klukkutíma taki að bjarga þeim samanlagt – en sé ekkert að gert innan þess tíma muni dauðinn ljósta þá alla sigð sinni. Hvernig myndir þú bregðast við í þessari aðstöðu? Myndi það breyta einhverju ef sá sem liggur einn væri þinn heitt elskaði maki til margra ára?

Svona sögum er að sjálfsögðu alltaf erfitt að svara og í raun getum við aldrei vitað hvernig við bregðumst við þegar á hólminn er kominn. En mér þykir gaman að pæla í þessum hlutum, reyna aðeins á siðferði mitt og hversu samkvæm ég í raun og veru er sjálfri mér :o)

Hamingjan

2006-02-06T20:49:00.000Z

Ég hef lengi velt því fyrir mér hvað felist í því að vera hamingjusamur. Hvernig er í raun og veru hægt að vita að maður hafi fundið þessa hamingju? Ég er alveg ótrúlega heppin að eiga frábæra vini og yndislega fjölskyldu en samt finnst mér einhvern vegin eins og ég sé alltaf að leita að einhverju meira... Hvenær verður maður bara loksins fullkomlega sáttur við sig og sitt! Já svona eru pælingarnar djúpar í Drekagilinu þetta mánudagskvöldið... Yfir og út!

Back again...

2006-02-05T20:51:00.000Z

Þreytt-sjúskuð-blönk, þetta lýsir best ástandi mínu eftir fyrstu Reykjarvíkur- og vísindaferð ársins!